Bo Nadal e Aninovo!

Están luceiros brillando!
As estrelas alumean!
O río baixa cantando
e os lobos xa non ouvean!
                                 Manuel María


Nestas datas
e para todo o vindeiro ano
que gocedes das mellores lecturas
das vosas vidas

Despedindo o Ano na Escola Infantil

Se o día 16 visitamos unha residencia da terceira idade, o último día de clase deste trimestre despedimos o ano cos nosos veciños da Escola Infantil. Se o mércores compartimos lecturas e músicas de Nadal coa terceira idade, o venres foi o turno para a primeira idade. Aquí podedes velo:

Manuel María, no asilo

Como facemos de xeito habitual, chegadas estas datas, quixemos compartir cos nosos anciáns un pouco da nosa ledicia e das nosas lecturas. Nesta ocasión acompañounos Manuel María: poemas de Advento, panxoliñas, o madrigal A cidade de Tui, poesías sobre o Miño ou a matanza do porco... serviron para compartir uns cariñosos momentos cos nosos maiores cos que acabamos dando uns pasos de baile baixo os acordes dos nosos músicos porque música, poesía, danza e nadal danse a man.

Un Xardín Desordenado moi poético

Unha vez máis o grupo Xardín Desordenado presenta en Tui as súas adaptacións musicais de poetas galegas, nesta ocasión será na libraría Espazo Lector Nobel, o próximo venres. Unha moi boa oportunidade para saber como soa, en vivo e directo, a poesía ou -se o preferides- como poetizan os músicos. E para abrir boca, unha mostra:

Onde o mundo se chama Outeiro

Chegou o día de coñecer a patria de Manuel María e a súa tribo: foi un 13 de novembro. Comezamos visitando a casa natal, actual sede da fundación do seu nome, e alí tamén comezaron as nosas lecturas do día.

Logo visitamos o cemiterio onde repousa, sobre a súa tumba deixamos un par de rosas e ao seu carón recitamos algúns dos seus poemas.


E rematamos acercándonos a carballeira de Santa Isabel, seguindo un camiño á beira do río, nunha mañá outoniza máis agradábel.

Lugo con L de Lecturas

O noso paseo lector pola bimilenaria Lucus Augusti.

O bus que me leva pola beira do Miño...

Que mellor estación que esta do outono para comezar o ano Manuel María? O Miño guiará a nosa viaxe; faremos o camiño ao revés: das terras baixomiñotas remontaremos cara Ourense para rematar en Lugo, a nosa primeira parada e fonda. Logo, cos folgos do novo día, acercarémonos a Outeiro, a patria e tribo de Manuel María. E para ir abrindo boca,velaquí os textos que imos ler no paseo literario lugués e no roteiro outeirán:

Powered by Issuu

Publish for Free

A vista e o ouvido ao servizo da lectura

Vídeos de presentación dalgunhas das lecturas propostas no Biblioxornal 40.

Moitas historias, moitas lecturas

Aproveitamos a celebración do Día do Libro e da Literatura Infantil e Xuvenil para, como non podía ser doutro xeito, LER. En primeiro lugar a mensaxe desta edición que atoparedes premendo aquí.

Para facilitar outras lecturas, achegamos algúns enlaces e suxestións:

• Contos de Andersen (en varias linguas) , neste ano festexamos o douscentos dez aniversario do nacemento de Hans Christian Andersen (2 de abril de 1805) .
• A pega rabilonga e outras historias de tesouros de Xosé Mª Álvarez Blázquez, acaban de cumprirse cen anos do seu nacemento en Tui (5 de febreiro de 1915)
• O trasniño e as LL. GG. de Xoán Babarro 
• Querido aviador de Fina Casalderrey
• As dúas orellas e o rabo de Francisco Castro
• O misterio das badaladas de Xabier P. Docampo
• A fada da marmelada de Xavier Frías Conde
• O ano das mimosas de Xosé Luna Sanmartín
• Foi nas vacacións de Lourdes Maceiras
• Un niño para xílgaros cantores de Pura Vázquez
• ...

Hans Christian Andersen	Xosé Mª Álvarez Blázquez
Xoán Babarro	Fina Casalderrey

Francisco Castro
Xavier Frías Conde

Lourdes Maceiras

Pura Vázquez

 

Felices lecturas!

Día Mundial do Teatro

Acaba de comezar a primavera e festexamos a Xornada Mundial do Teatro. Calquera estación é boa para facer, ler, representar ou ver teatro.

No blog da nosa biblioteca varias entradas baixo o título Teatro para a Primavera ofertan textos e vídeos de media ducia de obras pertencentes a catro autores distintos:

•  http://bibliosanpaio.blogspot.com.es/2015/03/teatro-para-primavera-alejandro-casona.html

•  http://bibliosanpaio.blogspot.com.es/2015/03/teatro-para-primavera-jardiel-poncela.html

•  http://bibliosanpaio.blogspot.com.es/2015/03/teatro-para-primavera-garcia-lorca.html

• http://bibliosanpaio.blogspot.com.es/2015/03/teatro-para-primavera-antonio-gala.html

Eles son:

Alejandro Casona	Enrique Jardiel Poncela
Federico García Lorca	Antonio Gala

Velaquí algunhas portadas e carteis das obras teatrais propostas:

  Se premes nas portadas, podes acceder ao texto das obras

Feliz día do Teatro!

Con P de Primavera e Poesía, con F de Felicidade

Powered by Issuu

Publish for Free

Vis à vis con Rosalía

O martes 24 celebramos a 178 aniversario do nacemento de Rosalía neste ano no que tamén se cumprirán, o vindeiro xullo, os 130 do seu pasamento.

Velaquí unha breve escolma de poetas galegos que a lembran.

Eles son Rosalía cando se inspiran nela, cando a cantan, cando seguen as súas pegadas.

Nós tamén somos Rosalía cando a festexamos, cando a lemos, cando nos comprometemos coa terra e como lingua coma ela.

Powered by Issuu

Publish for Free

Cando escribir non resulta de balde

Os perigos dunha vida e unha obra comprometidas.

Plumas comprometidas from tudense

O sangue dos mensaxeiros

O compromiso coa liberdade de expresión e coa veracidade informativa ten demasiadas veces un alto prezo. Son moitos os mensaxeiros que xogan e perden as súas vidas para que a nosa sociedade poida coñecer un pouco mellor o que en realidade pasa no mundo. Sirva de homenaxe a todos eles esta humilde presentación. Eles, co seu sangue, son semente de humanidade e liberdade

Cando a información con sangue entra from tudense