sábado, 9 de julio de 2016

Os mortos daquel verán de hai oitenta anos

A RAG ven de escoller a Carlos Casares como autor das Letras 2017. Nos vindeiros días celebraremos tamén o oitenta aniversario do inicio da nosa última Guerra Civil. Son múltiples as novelas referidas á Galicia dos anos da II República e da Guerra. Hoxe, aproveitando a elección feita pola RAG (que apraza, de novo, o necesario recoñecemento á figura do profesor Carballo Calero, sit venia verbo) propomos unha nova lectura para o verán:

Partindo da aparición do cadáver do boticario Ernesto Vilariño Dacal, morto supostamente de xeito accidental ao comezo da Guerra Civil, ponse en marcha unha investigación xudicial... A busca da verdade, a crítica do dogmatismo e das diversas formas de violencia opresora son os piares desta novela de Carlos Casares.

Hai oitenta anos os feitos reais superaron abondo ás ficcións narrativas.

Ti sabes que todos os dias
hai un home morto na cuneta
que ninguén coñece ainda
Unha muller sobre o cadaver do seu home
Chora.
Chove.
¡Negra sombra, negra sombra!
                          (in Cunetas de Luís Pimentel)

jueves, 23 de junio de 2016

Un verán de cine

Gozamos da lectura, tamén gozamos do cine e máis agora cando os tempos de vacación son chegados

lunes, 6 de junio de 2016

Manuel María: poesía e ilustración

Os lectores máis novos de Manuel María debuxaron os seus poemas. Velaquí algunhas das ilustracións:










viernes, 3 de junio de 2016

De tales padriños, tales afillados

Cómpre garantir a substitución xeracional tamén na lectura por iso, cando o curso camiña cara ao seu final, os que hoxe estamos na ESO facemos canteira cos nosos veciños da Escola Infantil. Elas, eles serán os membros do club de lectura nun futuro máis o menos próximo porque pasarán as xeracións mais as lecturas non pasarán: elas foron, elas son, elas serán pois xa in principio erat verbum... e a palabra faise vida cando lemos. 








lunes, 30 de mayo de 2016

MOPU

Non é o que parece. Non somos funcionarios ou simpatizantes do antigo ministerio de obras públicas e urbanismo. O noso é a lectura en verso e con algo de subversión. E a nosa biblioteca un improvisado e clandestino obradoiro para preparar a cartelería do MOvemento Poético Urbano: ideoloxía lírica coa/da/dende/na/para/pola/sobre/trala... cidade. Somos a alternativa poética á caste!



lunes, 23 de mayo de 2016

As anfitrioas de Pedro Feijoo

Hoxe a nosa biblioteca recibiu a visita de Pedro Feijoo, as colaboradoras da biblioteca e do club de lectura Tareixa, Ana e Araceli fixeron de magníficas guías e mestras de cerimonias.

miércoles, 18 de mayo de 2016

Se Tui Le, o Pedra de Acordo tamén le

Pequena memoria gráfica da nosa participación do VII Tui Le