Comezaba 1961 cando na quinta provincia galega dábase ao prelo unha novela da que, cincuenta anos despois, están vendidos máis de 600.000 exemplares. Memorias dun neno labrego é xa todo un clásico da nosa literatura traducido a múltiples linguas. Balbino forma parte indiscutible do acervo de personaxes patrimonio literario da humanidade e as súas vivencias son lidas con avidez por lectores dos cinco continentes.
Neste día triste para os medios de comunicación en galego, cando aparece por última vez en edición impresa o diario Galicia Hoxe,
Pobby e Dingan de Ben Rice Gustoume o libro porque trata da unión dunha familia. Unha nena mira a dous amigos invisibles e, de repente ponse enferma porque di que os seus amigos teñen desaparecido. O pai e o irmán da nena buscan aos desaparecidos. A busca resulta complicada, ao final atópanos mortos pero a nena queda aliviada porque puido enterrar aos seus dous mellores amigos.
Agnes de Dios de Leonore Fleischer
É un dos meus libros favoritos.
Atopan o cadáver dun bebé, estrangulado, na papeleira de Agnes, nun convento de monxas. A doutora Livingston ten que pescudar se Agnes é culpable (e merece ir á prisión) ou se ten un problema mental.
Nacida inocente de Di Pego e Hurwood
Este libro conta a historia dunha adolescente que está nun centro de menores e non sabe o motivo polo que está alí. Con tempo infórmase que foron os seus pais os que a meteran alí, ela segue sen entendelo mais procura pasar os niveis que esixe o centro para saír del e así poder regresar ao fogar familiar para estar cos seus.
Natalia Alonso Pérez, 2º ESO C
de Angela Sommer-Bodenburg
A un neno chamado Antón encántanlle as historias de misterio. Un día, estando no seu cuarto, o vampiro Rüdiger pousa na fiestra; desde ese momento cada sábado Rüdiger vai ler os libros de vampiros que Antón ten na casa, un día Rüdiger decide presentarlle a súa familia e Antón faise noivo de Anna, irmá de Rüdiger...
Un día Antón non estaba na súa habitación. Rüdiger ve nela a unha nena da que se namora e chega un momento en que ninguén pode separalos...
Ana Álvarez Rodríguez, 2º ESO C
Las crónicas de Spiderwick:
El libro fantástico
de Tony Diterlizzi e Holly Black
Libro rápido e de lectura doada. Os protagonistas son tres irmáns, dous deles xemelgos. Eles e a súa nai van vivir nunha nova casa na que algo lles chama á atención. Ao perseguir a un suposto esquío atopan unha especie de casa dun estraño animal. Jared, un dos irmáns, chega a un cuarto sen portas cunha mensaxe escrita enriba da mesa: “arriba, arriba, sempre arriba”. Por isto Jared métese en leas e a nai comeza da desprezalo. Despois de investigar atopa un libro de seres fantásticos no faiado. Jared arrepentido constrúe unha nova casa para o animal estraño do que nunca máis se soubo.
Sara Freiría Durán, 2º ESO C
La Odisea contada a los niñosde Rosa Navarro Durán
Esta obra trata a historia de Ulises cando intenta regresar a súa patria ao finalizar a guerra de Troia. Conta os problemas da viaxe de volta: por exemplo, o episodio de Polifemo un xigante que ataca a Odiseo e aos seus compañeiros, come algúns deles e tíralles pedras máis Ulises mételle unha estaca nun ollo. Narra tamén a matanza – ao regresar á patria, Ítaca- dos pretendentes de Penélope (a muller de Ulises) a mans do propio Ulises e de Telémaco, o seu fillo.
Telmo Martínez Moure, 2º ESO C
Más allá
Esta é a historia de Harry, un neno que morre con doce anos máis ou menos. Harry non se despedira da súa irmá e procura dicirlle que a quixera moito. No outro mundo Harry coñece a Arthur, outro neno da súa mesma idade morto a consecuencia da gripe española. Arthur busca a súa nai e axuda a Harry a regresar ao mundo dos vivos, é así como Harry chega a súa casa e logra enviar a súa irmá unha mensaxe de perdón, escrita co poder da súa mente. Ao final Harry despídese e Arthur atopa a súa nai de xeito que os tres cruzan cara ao Máis Alá.
Sara Freiría Durán, 2º ESO C
A lectura dos dezaseis relatos curtos que forman Que me queres, amor é a nosa particular maneira de celebrar o oitenta aniversario da II República.
Rottweiler Libro didáctico sobre o rottweiler, can que procede de Alemaña e que xa os gregos tiñan para determinados traballos. Gustoume o libro porque da orientacións para mercar un rottweiler. Fala tamén da hixiene, os xoguetes do can, a comida que debe tomar, os parasitos (externos e internos) que poden afectarlle como tratalos. Da conta das enfermidades (como a displasia na cadeira) e mostra os distintos órganos. Trae un glosario onde se explican algunhas palabras ou enfermidades. Na última páxina hai un sitio para pegar unha foto do teu rottweiler, poñer o nome, orixe...
O libro está ben pero eu poñería máis imaxes con información e tamén algún capítulo con enderezos de tendas, criadeiros, adestradores... A pesar de todo o libro -insisto- está moi ben, encantoume.
O mércores 6 de abril, o escritor Marcos Calveiro veu ao noso instituto, e falounos sobre o seu libro “O pintor do sombreiro de Malvas”, que gustou a moita xente e recibiu moitos premios.O autor falounos de como comezara a escribir o libro e da gran cantidade de datos reais que manexara.
Tamén nos ensinou moitas curiosidades sobre a vida de Vicent Van Gogh e deu a súa opinión acerca dalgúns cadros deste pintor que aparecen como ilustración no libro.
Para conseguir información sobre Van Gogh axudouse de internet, películas e outros libros. Isto fai que o libro teña un ton realista, xa que a vida de Vincent seméllase a vida real do pintor mais non todo é certo.
Os personaxes da historia tampouco son todos reais. Pierre é inventado mentres Adeline é real.
Marcos Calveiro, ao final da presentación, permitiunos preguntarlle as dúbidas que tiñamos acerca do libro. Tamén adicou e asinou libros aos que quixeron.
A novela pareceume interesante ao igual cá presentación, xa que ademais de entreternos, ensinounos moitas cousas da vida de Van Gogh que descoñeciamos.
(Sara María González Piña, 3º ESO B)
O profesor, escritor, poeta e crítico literario, Anxo Angueira deunos unha interesante charla e recital de poesía o día 4 de abril sobre a escritora Rosalía de Castro. Comezou falando da vida da propia escritora e das súas ideas. Para el Rosalía de Castro é “a Cervantes” ou “a Shakespeare” da literatura galega; a súa máxima expoñente, o seu símbolo. Comentou os novos descubrimentos sobre a súa vida, como que agora se sabe que ela non viviu co seu pai e que ela non aprendeu o cancioneiro popular escoitando “ao pé da lareira”, senón investigando e preguntando.
Sobre as ideas de Rosalía comentou que ela estableceu a oposición Galicia-Castela e denunciou o tratamento ao que estaba sometida Galicia daquela, que era considerada como unha auténtica colonia. Tamén denunciou dramas sociais, como a emigración (Adios ríos, adios fontes), a pobreza, a inasistencia aos orfos, ... Tamén se denota bastante anticlericalismo nos seus poemas.
Anxo Angueira tamén comenta que Rosalía dignificou a lingua, a cultura e a paisaxe galega.
Despois desta charla recitou varios poemas, como o de “Santiña Santasa” e comentounos, dando a súa opinión acerca de cada un.
En xeral a charla pareceume moi interesante e relativamente amena. Unicamente teño que dicir que ao principio estendeuse demasiado, desde o meu punto de vista, pero como xa dixen en xeral foi moi interesante e pouco “pesada”.
(Amaro González Pousa, 1º BAC B)
El coleccionista de relojes extraordinariosde Laura Gallego García
Un coleccionista de reloxos manda a Jonathan á cidade en busca do reloxo Deveraux para poder salvar a alma da súa madrasta. Libro moi entretido. Mentres o les, sentes que hai cousas que son estrañas e non teñen moito senso. Intrígate e queres saber que é o que pasa con esa cidade.
Robinson Crusoe de Daniel Defoe
O desexo de Robinson era viaxar a América. Viaxará co seu can Venus. A viaxe é tranquila mais chegarán as dificultades, o capitán do barco quere variar o rumbo, Robinson vai impedirllo e acaba na prisión do barco. Prodúcese unha tormenta e todos os mariñeiros morren mais Robinson e o seu can sobreviven nunha illa no medio do Atlántico onde pasan cousas fascinantes.
Libro entretido e bastante interesante, grazas a el aprendín como se pode sobrevivir en condicións adversas.
Crónica de una muerte anunciada